Zeqirija Ibrahimi: BDI-ja nuk rrëzohet më në zgjedhje, por në shesh

00:13 | 20 Korrik 2020
Trina Galanxhi

Nënkryetari i Partisë Alternativa, Zeqirija Ibrahimi, përmes një statusi në Facebook edhe një herë ka komentuar rezultatet e zgjedhjeve të 15 korrikut, duke i cilësuar si skandaloze të KSHZ-së.

Duke e akuzuar BDI-në si parti që zgjedhjet i fiton me vjedhje, Ibrahimi ka shkruajtur se BDI nuk rrëzohet më në zgjedhje por në shesh, shkruan Tetova Sot.

Statusi i plotë i Ibrahimit:

“Nuk di çfarë do të jenë qëndrimet partiake, ama për mua këto rezultate të KSHZ-së janë skandaloze. Një parti që i blen votuesit, vëzhguesit, komisionarët, madje i synon edhe anëtarët e KSHZ-së, të dalë të flasë me gjuhë të moralshme dhe të virgjër sikur nuk ka asnjë mëkat hajnie, kjo është perverse.
Shqiptarët duhet ta dinë se për BDI-në fjalët “vjedhje” dhe “zgjedhje” tashmë janë sinonime. Prandaj konstatimi im është se BDI-ja nuk rrëzohet më në zgjedhje, por në shesh.
Poshtë diktatura!

Shpërndaje në rrjete sociale

Lajmet më të lexuara

Të ngjashme

Foto lajm